Cagayan de Oro City – Arestado ang Top 4 Drug Personality sa Regional Level at magulang nito sa ikinasang buy-bust operation ng Regional Drug Enforcement Unit 10 sa Zone 7, Brgy. Agusan, Cagayan de Oro City bandang 7:42 ng umaga nito lamang Lunes, Abril 17, 2023.
Kinilala ni Police Lieutenant Colonel Demver Vergara, Chief ng RDEU 10, ang mga magkakapamilyang suspek na sina alyas “Princess”, 24, Top 4 Regional Level Target kasama ang ama at ina na sina alyas “Lyndo”, 48 at si alyas “Mildred”, 44 na pawang mga residente ng naturang lugar.
Sa nasabing operasyon, nakuha ang dalawang pakete ng hinihinalang shabu na may timbang na isang gramo na may tinatayang halaga na Php6,800 at isang pirasong Php 1,000 bill na ginamit bilang buy-bust money.
Ang pagkakadakip sa mga suspek ay resulta ng pagsisikap ng Police Regional Office 10 sa kampanya laban sa ilegal na droga at iba’t ibang uri ng kriminalidad para mapanatili ang maayos at payapang komunidad.
Panulat ni Patrolman Joshua Fajardo/RPCADU10
