Baggao, Cagayan – Arestado ng Badoc PNP ang Top 4 Provincial Most Wanted Person sa kasong Rape sa Brgy. Sta. Margarita, Sitio Dapper, Baggao, Cagayan nito lamang Linggo, ika-13 ng Nobyembre 2022.
Kinilala ni Police Major Joseph Tayaban, Officer-In-Charge ng Badoc Municipal Police Station, ang suspek na si alyas “Gregorio”, 58, at residente ng Badoc, Ilocos Norte.
Ayon kay PMaj Tayaban, bandang 11:23 ng umaga naaresto ang suspek ng mga operatiba ng Badoc Municipal Police Station katuwang ang Baggao Municipal Police Station, Ilocos Norte Provincial Intelligence Unit, Maritime Police Station, Regional Intelligence Division, Regional Mobile Force Battalion 1, 2nd Provincial Mobile Force Company.
Ayon pa kay PMaj Tayaban, naaresto ang suspek sa bisa ng Warrant of Arrest sa kasong rape at walang rekomendadong piyansa.
Ang tagumpay ng operasyon ay bunga ng magandang ugnayan at samahan ng mga kapulisan at mga mamamayan para mapanatiling ligtas ang komunidad.
Source: Badoc Municipal Police Station
