Misamis Oriental – Arestado ang Top 4 Most Wanted Person sa Regional Level sa kasong 3 Counts of Statutory Rape ng mga tauhan ng Cagayan de Oro City PNP nito lamang ika-27 ng Nobyembre 2023 sa Purok 5C, Simbulan, Brgy. Mati, Claveria, Misamis Oriental.
Kinilala ni Police Colonel Salvador Radam, City Director ng Cagayan de Oro City Police Office, ang suspek na si alyas “Gene”, 47, at residente ng Purok 7, Upper, Barangay Puerto, Cagayan de Oro City na tinaguriang Top 4 Most Wanted Person sa Regional Level, Top 3 MWP City Level at Top 1 MWP Station Level.
Bandang 6:16 ng gabi nang maaresto ang suspek ng mga tauhan ng Cagayan de Oro City Police Station 6 kasama ang City Inteliigence Unit – Cagayan de Oro CPO at Claveria Municipal Police Station sa bisa ng Warrant of Arrest sa kasong Statutory Rape (3 counts) na walang rekomendadong piyansa.
Ang Cagayan de Oro City PNP ay patuloy sa pagsasagawa ng mga operasyon para mahuli ang wanted persons na nagkasala sa batas upang mapanatili ang payapa at ligtas ang mamamayan at makamit ng mga pamilya ng biktima ang hustisya.
