Muntinlupa City — Arestado ang Top 4 Most Wanted Person sa Manhunt Charlie ng Muntinlupa City Police Station sa kasong Rape by Sexual Assault nito lamang Linggo, May 22, 2022.
Kinilala ni Southern Police District Director Police Brigadier General Jimili Macaraeg ang akusado na si Rainer Ayo y Lastra, 19, at isang construction worker.
Ayon kay PBGen Macaraeg, nadakip si Ayo dakong alas-4:30 ng hapon sa Tuklas, Brgy. Cupang, Muntinlupa City ng mga operatiba ng Warrant and Sub-poena Unit ng nasabing istasyon.
Ayon pa kay PBGen Macaraeg, nahuli Ayo sa bisa ng Warrant of Arrest na may inirekomendang piyansa na ₱120,000.
“Pinupuri ko ang mga operating unit para sa makabuluhang tagumpay na ito na nagresulta sa pagkahuli ng isang wanted na kriminal. Natitiyak ko na sa tulong ng komunidad ay mahahanap natin ang kinaroroonan ng mga kilalang kriminal na ito, patuloy tayong magsasagawa ng manhunt operations sa ating lugar upang mahuli natin ang mga kriminal na nagtatago pa sa batas,” ani PBGen Macaraeg.
Source: SPD PIO
###
Panulat ni PSSg Remelin M Gargantos
