Camarines Norte – Arestado ang Top 4 Municipal Most Wanted Person ng bayan ng San Lorenzo Ruiz, Camarines Norte para sa kasong paglabag sa RA 7610 ng Camarines Norte PNP sa Purok 1, Barangay San Ramon, San Lorenzo Ruiz, Camarines Norte ngayong araw ng Lunes, Oktubre 17, 2022.
Kinilala ni PMaj Diana De Vera, Hepe ng San Lorenzo Ruiz MPS ang akusado na si alyas “Nonoy”, 41, binata, isang laborer at residente ng Purok 1, Barangay Bolo Sur, Sipocot, Camarines Sur.
Ayon kay PMaj De Vera, naaresto ang akusado bandang 11:00 ng umaga sa nabanggit na lugar sa isinagawang Manhunt Charlie Operation ng pinagsanib na pwersa ng mga operatiba ng San Lorenzo Ruiz MPS at Camarines Norte 1st Provincial Mobile Force Company.
Naaresto ang akusado sa bisa ng Warrant of Arrest para sa kasong paglabag sa RA 7610 o ang Special Protection of Children against Child Abuse, Exploitation and Discrimination Act na may kaukulang piyansa na Php180,000.
Pinapaabot ni PCol Antonio Bilon, Jr, Provincial Director ng Camarines Norte PPO ang kanyang pasasalamat at papuri sa mga mamamayan na patuloy ang pagsuporta, pagtulong at pagbibigay ng impormasyon upang madakip ang mga taong nagtatago at nagkasala sa batas lalo na ang mga Most Wanted Persons.
“Kaya huwag mag-alinlangang magsumbong at magbigay ng mga impormasyon na makakatulong sa mga otoridad at kinauukulan, dahil napakalaking tulong ito sa pagpapanatili ng kapayapaan at katahimikan lalong lalo na sa pagsugpo sa kriminalidad sa ating lalawigan,” pahayag ni PCol Bilon, Jr.
Source: Camarines Norte Police Provincial Office – Pulis Bantayog
