Arestado ang isang Top 4 Most Wanted Person sa Municipal Level na may patong patong na kaso sa isinagawang law enforcement operation ng Zamboanga City Police Station 1 sa Sitio Tariago, Barangay Tictapul, Zamboanga City nito lamang ika-13 ng Oktubre 2024.
Kinilala ni Police Captain Jova R Agustin, Officer-In-Charge ng Zamboanga City Police Station 1, ang naarestong suspek na si alyas “Ton-ton”, 28 anyos, lalaki at residente ng Sitio Tariago, Barangay Tictapul, Zamboanga City.
Ang suspek ay nahaharap sa kasong paglabag sa Seksyon 28 Para (A) Republic Act 10591 na may piyansang Php100,000 at Seksyon 11 ng RA 9156 na may piyansang Php200,000; Direct Assault with Attempted Murder na may piyansang Php100,000; at PD 1866 as amended by RA 8294 at Seksyon 3 ng RA 9516 na walang inirekomendang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Patrolwoman Joyce Franco
