Arestado sa bisa ng Warrant of Arrest para sa kasong Carnapping ng mga operatiba ng Pasig City Police Station ang tinaguriang Top 4 Most Wanted Person sa Pasig City nito lamang Lunes, Disyembre 2, 2024.
Kinilala ni Police Colonel Hendrix Mangaldan, Chief of Police ng Pasig CPS, ang suspek na si alyas “Peter”, 29 anyos, at residente ng Barangay Maybunga, Pasig City.
Ayon kay PCol Mangaldan, naganap ang manhunt operation dakong 2:00 ng hapon sa kahabaan ng East Bank Road, Barangay Maybunga, Pasig City, sa pinagsanib puwersa ng Warrant and Subpoena Section at Anti-Carnapping Unit kasama ang mga tauhan ng Rosario Police Sub-Station 7.
Isinilbi sa suspek ang Warrant of Arrest para sa Paglabag sa Republic Act 10883 o “New Anti-Carnapping Law of 2016) na may piyansang nagkakahalaga ng Php300,000.
Samantala, ipinahayag ni PCol Mangaldan ang kanyang mataas na paggalang sa walang patid na pagsisikap ng mga tauhan ng Pasig Elite sa pakikipagtulungan at koordinasyon sa local government unit at komunidad para sa matagumpay na mga nagawa sa kampanya ng PNP laban sa mga wanted persons.
Source: SPD PIO
Panulat ni PSSg Remelin M Gargantos
