Lucena, Quezon – Arestado ang Top 4 Most Wanted Person (Regional Level) sa kasong Rape sa isinagawang operasyon ng Quezon PNP nitong Linggo, Mayo 29, 2022.
Kinilala ni Police Colonel Joel Villanueva, Provincial Director ng Quezon Police Provincial Office, ang naarestong suspek na si Rolando Lacuesta Jr, alyas “Ebreo”, 45, residente ng Purok Lilay. Brgy. Ibabang Talim, Lucena City, Quezon.
Ayon kay PCol Villanueva, bandang 6:15 ng gabi naaresto ang suspek sa Purok Lilay. Brgy. Ibabang Talim, Lucena City, Quezon ng mga operatiba ng Criminal Investigation and Detection Group- Quezon; Lucena City Police Station at 405th Regional Mobile Force Battalion- 4A.
Dagdag pa ni Police Colonel Villanueva, naaresto ang suspek sa bisa ng Warrant of Arrest sa kasong Rape na walang nirekomendang piyansa.
Ang tagumpay ng Quezon PNP ay bunga ng pinaigting at aktibong pakikipag-ugnayan sa pamayanan sa pamamagitan ng Community Mobilization Program (CMP).
Ang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas at maayos ang komunidad.
Source: Quezon Police Provincial Office-PIO
###
Panulat ni Patrolman Mark Lawrence Atencio/RPCADU 4A
