Bukidnon – Arestado ang isang Top 4 High Value Individual PNP-PDEA Target List sa ikinasang buy-bust operation ng mga tauhan ng Malaybalay City Police Station sa Purok 1, Brgy. Kalasungay, Malaybalay City, Bukidnon nito lamang ika-17 ng Hunyo 2023.
Kinilala ni Police Lieutenant Colonel Clark Prisco Macariola IV, Hepe ng Malaybalay City Police Station, ang naarestong suspek na si alyas “Abel”, 30 at residente ng naturang barangay.
Bandang 3:36 ng hapon nang ikasa ang operasyon na nagresulta sa pagkakakumpiska ng limang pakete ng hinihinalang shabu na may timbang na 1.92 gramo na nagkakahalaga ng Php13,056, isang motorsiklo, at isang pirasong Php500 bill na ginamit bilang buy-bust money.
Kasong paglabag sa RA 9165 o Comprehensive Dangerous Drugs Act of 2002 ang kakaharapin ng suspek.
Hindi titigil ang Malaybalay City PNP sa panghuhuli ng mga taong gumagamit at nagbebenta ng ilegal na droga upang masiguro ang kaligtasan ng bawat mamamayan sa kanilang nasasakupan.
Panulat ni Patrolaman Edwin Baris/RPCADU10
