Baguio City – Arestado ang Top 4 City Most Wanted Person sa Legarda Road, Brgy. Burnham Legarda, Baguio City nito lamang ika-7 ng Abril 2023.
Kinilala ni Police Colonel Francisco Bulwayan Jr., City Director, Baguio City Police Office, ang naaresto na si alyas “Joshua” , 24, tubong La Union at kasalukuyang residente ng Baguio City.
Naaresto ang suspek ng mga pinagsanib na operatiba ng Baguio City Police Office, City Intelligence Unit, CIDMU, Regional Intelligence Division PROCOR, CIT RIU 14 at PNP Special Action Force sa bisa ng Warrant of Arrest sa kasong Rape na may nirekomendang piyansa na Php150,000.
Patuloy naman ang Pambansang Pulisya sa pagtugis ng mga indibidwal na may pananagutan sa batas para sa kaayusan at kapayapaan tungo sa Kaunlaran ng ating inang bayan.
