Samal City – Arestado ang isang lalaki sa isinagawang buy-bust operation ng PNP sa Purok 16, Brgy. Poblacion, Kaputian District, Island Garden City of Samal nito lamang Mayo 23, 2023.
Kinilala ni Police Lieutenant Colonel Romeo Melton Angon Jr, Chief of Police ng Igacos Police Station, ang suspek na si alyas “Charlie”, 36, residente ng nasabing lugar na tinaguriang Top 4 High Value Target City Level.
Nahuli ang suspek ng pinagsamang tauhan ng Igacos PNP katuwang ang PDEA XI.
Nakuha mula sa suspek ang ilang pakete ng hinihinalang shabu na may bigat na 0.270 gramo na may street market value na Php2,700 at marked money na ginamit sa operasyon.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang nasabing suspek.
Ang Police Regional Office 11 ay patuloy sa pagsasagawa ng operasyon kontra sa ilegal na droga upang makamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara/RPCADU11
