Davao City – Arestado ang isang lalaki sa isinagawang buy-bust operation ng Sasa PNP sa Doña P Ramos, Brgy. Angliongto, Davao City, noong Hulyo 29, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “George”, 43, residente ng Km. 9, San Roque Village, Brgy. Sasa, Davao City na tinaguriang Top 4 High Value Individual sa City level.
Ayon kay PMaj Goles, naaresto ang suspek sa isinagawang buy-bust operation ng pinagsamang tauhan ng Sasa PS at Regional Mobile Force Battalion 11 katuwang ang Davao City Maritime Police Station.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 0.82 gramo na may street market value na Php13,120 at ang marked money na ginamit sa operasyon.
Ang Sasa PS ay patuloy sa mga operasyon kontral ilegal na droga upang mapanatili ang kaayusan at kapayapaan sa Rehiyon Onse.
Panulat ni Patrolman Alfred Vergara
