Arestado ng mga operatiba ng Calinan Police Station ang Top 4 City High Value Individual nito lamang Agosto 18, 2024 sa Purok 9, Magsaysay Street, Calinan, Davao City.
Kinilala ni Police Major Leo Arvin O Alce, Officer-In-Charge ng Calinan Police Station, ang suspek na si alyas “Kiking”, 44 anyos, tricycle driver at residente ng Purok 28, Villafuerte Street, Calinan, Davao City.
Narekober naman mula sa suspek ang hinihinalang shabu na may bigat na humigit kumulang 5.56 gramo at may Standard Drug Price na Php37,808, isang cellphone at buy-bust money.
Kasong paglabag sa Republic Act 9165 o “Comprehensive Dangerous Drugs Act of 2002” ang kakaharapin ng suspek.
Ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
