Davao City – Arestado ang isang lalaki sa patuloy na isinasagawang Manhunt Charlie Operation sa Abreeza Mall, Bajada, Davao City nito lamang Marso 12, 2023.
Kinilala ni Police Major Bernie Suaga, Acting Station Commander ng Buhangin Police Station, ang suspek na si alyas “Rhandy”, 31, residente ng Cabantian, Davao City at tinaguriang Top 3 Station Most Wanted Person.
Ayon kay PMaj Suaga, inaresto ang suspek sa bisa ng Warrant of Arrest na inihain ng Buhangin Police Station sa kasong Statutory Rape by Sexual Assault na may piyansang inirekomenda na Php180,000.
Patuloy naman ang Buhangin PNP sa pagsisiguro ng katahimikan at drug free na pamayanan.
Panulat ni Patrolman Alfred Vergara/RPCADU11
