Naaresto ng mga operatiba ng Makati City Police Station ang tinaguriang Top 3 Most Wanted Person sa Station Level na sangkot sa orchestrating fraudulent schemes bandang 10:05 ng umaga sa Jesus Street, Pandacan, Manila nito lamang Huwebes, Enero 23, 2025.
Ayon kay Police Colonel Jean I Dela Torre, Chief of Police ng Makati CPS, isinilbi ng Makati City Police Warrant and Subpoena Unit ang Warrant of Arrest na laban sa suspek na kinilalang si alyas “Adrian”, 25 anyos, isang motorcycle rider.
Nahaharap ang suspek sa 24 na bilang ng Estafa sa ilalim ng Artikulo 315, Paragraph 2(A) ng Revised Penal Code, kaugnay sa Seksyon 6 ng Republic Act 10175 o “Cybercrime Prevention Act of 2012” na may piyansa na Php18,000 kada bilang, na nagkakahalaga ng kabuuang Php432,000.
Ang pag-arestong ito ay nagsilbing mahigpit na babala sa mga indibidwal na nakikibahagi sa mga mapanlinlang na aktibidad na ang pagpapatupad ng batas ay mananatiling mapagbantay at walang humpay sa pagtataguyod ng hustisya.
Nananatiling matatag ang PNP sa misyon nito na pangalagaan ang komunidad mula sa mga kriminal na elemento at mapanatili ang tiwala ng publiko.
Source: SPD PIO
Panulat ni PSSg Remelin M Gargantos
