Davao City – Arestado ang Top 3 Station Drug Watchlist sa isinagawang buy-bust operation ng PNP at PDEA sa Block 7, River Bed, Piapi Boulevard, Brgy. 22-C, Davao City, noong Hulyo 5, 2022.
Kinilala ni PMaj Jake Goles, Station Commander ng nasabing istasyon ang suspek na si Alyas “Caleb”, 20, residente ng Purok 8, River Bed, Piapi Boulevard, Brgy. 21-C, Davao City na tinaguriang Top 3 Station Drug Watchlist at tinuturing na High Value Individual.
Ayon kay PMaj Goles, nahuli ang suspek dahil sa pinagsamang puwersa ng Sta. Ana PS1 – DCPO, at 1105th Maneuver Company Regional Mobile Force Battalion 11 at koordinasyon sa Philippine Drug Enforcement Agency Regional Office 11.
Dagdag pa ni PMaj Goles, nakuha mula sa suspek ang limang pakete na naglalaman ng hinihinalang shabu na may bigat ng humigit kumulang 0.85 gramo at may Street Market Value na Php5,000, isang coin purse, at marked money na ginamit sa operasyon.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkahuli sa suspek na isa sa nagpapalaganap ng ilegal na droga sa Davao City ay malaking tulong upang maparalisa at matapos na ang sirkulasyon ng ilegal na droga sa nasabing lungsod.
Samantala, pinuri naman ni PBGen Benjamin Silo Jr., Regional Director, Police Regional Office 11 ang pagkakahuli sa suspek na nagpapakita lamang na ang PRO11 ay hindi titigil sa kampanya nito kontra sa ilegal na droga upang tuluyan ng maging drug-free ang rehiyon.
Source: Sta. Ana PS1 DCPO
###
Panulat ni Patrolman Preal Cris Edosma
