Rizal – Arestado ang Top 3 Regional Most Wanted Person sa kasong Rape sa ikinasang operasyon ng Rizal PNP nito lamang Agosto 2, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Carlito”, 40, residente ng Antipolo City, Rizal.
Ayon kay PCol Baccay, naaresto ang suspek bandang 3:00 ng hapon sa Blk. 22, Lot 57, Phase III, Peace Village, Brgy. San Luis, Antipolo City ng pinagsanib puwersa ng Antipolo City Police Station Warrant Section at Criminal Investigation and Detection Group Rizal Provincial Field Unit sa kasong Qualified Statutory Rape (5 counts), Qualified Rape at Statutory Rape na walang nirerekomendang piyansa.
Ang Rizal PNP ay tulong-tulong sa pagsugpo sa mga krimen sa tulong at suporta ng mga mamamayan para mapanatili ang kaayusan, kapayapaan at masayang pamayanan.
Source: Rizal Police Provincial Office
Panulat ni Police Staff Sergeant Donabel T Dulin
