Marinduque – Naaresto ang Top 3 Regional Most Wanted Person sa mga kasong Murder at Homicide sa Joint operation ng mga tauhan ng Batangas PNP at Gasan PNP sa Brgy. Masiga, Gasan, Marinduque nito lamang Biyernes, Enero 13, 2023.
Kinilala ni Police Colonel Pedro Soliba, Provincial Director ng Batangas Police Provincial Office, ang suspek na si alyas ‘‘Dandan”, 42, mangingisda, residente ng naturang lugar.
Ayon kay PCol Soliba bandang 5:40 ng hapon naaresto ang suspek ng pinagsanib na puwersa ng Batangas City Police Station at Gasan Municipal Police Station sa bisa ng Warrant of Arrest sa kasong Murder na walang rekomendasyong piyansa at Homicide na may inirekomendang piyansa na Php120,000.
Ang tagumpay ng PNP laban sa mga kriminalidad at pagkahuli sa mga may sala sa batas ay bunga ng pinaigting na pakikipagtulungan at suporta ng mamamayan upang mapanatili na ligtas at maayos ang komunidad.
Panulat ni PEMS Joe Peter Cabugon/RPCADU4A
