Arestado ang Top 3 Most Wanted Person sa Regional Level sa kasong Murder ng mga tauhan ng Cagayan de Oro City PNP sa Barangay Poblacion, Titay, Zamboanga Sibugay nito lamang ika-1 Oktubre 2024.
Kinilala ni Police Colonel Salvador N Radam, City Director ng Cagayan de Oro City Police Office, ang suspek na si alyas “Burot”, 45 anyos, driver at residente ng Barangay Tugop, Titay, Zamboanga Sibugay na tinaguriang Top 3 Most Wanted Person sa Regional Level.
Nadakip ang suspek sa isinagawang join operation ng mga tauhan ng Cagayan de Oro City Police Station 5 at Titay Municipal Police Station sa bisa ng Warrant of Arrest sa kasong Murder na walang piyansa.
Ang Cagayan de Oro City PNP ay patuloy sa pagsasagawa ng mga operasyon upang mahuli ang mga wanted persons na nagtatago sa batas para mapanatiling ligtas at payapa ang komunidad.
