Arestado sa isinagawang manhunt operation ng mga awtoridad ang Top 3 Regional Most Wanted Person sa Purok Likuyan, Barangay Tambobong, Baguio District, Davao City nito lamang Agosto 24, 2024.
Kinilala naman ni Police Major Lisandro G Bernado, Acting Station Commander ng Baguio Police Station, ang suspek na si alyas “Danny”, 50 anyos, magsasaka at residente ng Purok Kabangbang, Barangay Tambobong, Baguio District, Davao City.
Ang suspek ay naaresto sa pangunguna ng RSOG 11 katuwang ang mga tauhan ng Baguio Police Station, RIU 11 at CIDG-DCFU at nahaharap sa kasong Qualified Sexual Assault at Acts of Lasciviousness na may kabuuang piyansang nagkakahalaga ng Php976,000.
Samantala, patuloy naman ang mga tauhan ng Police Regional Office 11 sa pamumuno ni Regional Director Police Brigadier General Nicolas D Torre III katuwang ang komunidad sa pinaigting na laban kontra kriminalidad.
Panulat ni Patrolwoman Shairra Rose A Aquino
