Iligan City – Arestado ang isang 32 anyos na lalaki na tinaguriang Top 3 Regional High Value Inidividual (HVI) sa ikinasang operasyon ng Station Drug Enforcement Team ng Iligan City Police Station 2 sa Brgy. Buru-un, Iligan City nito lamang Hulyo 14, 2023.
Kinilala ni Police Major Rorye Tabuclin, Station Commander ng Iligan City Police Station 2, ang naarestong suspek na si alyas “Nash”, 32, at residente ng naturang barangay.
Nakumpiska mula sa suspek ang 11 pakete ng hinihinalang shabu na nagkakahalaga ng Php6,800, isang coin purse, isang scoop straw, isang improvised ligther, at isang surgical stainless forcep.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Hindi titigil ang Iligan City PNP sa pagsugpo laban sa ilegal na droga upang masiguro ang kaligtasan ng bawat mamamayan.
Panulat ni Patrolman Edwin Baris/RPCADU10
