Laguna – Arestado ang Top 3 Provincial Most Wanted Person sa kasong Statutory Rape (2 Counts) sa ikinasang manhunt operation ng Santa Maria PNP nito lamang Setyembre 23, 2023.
Kinilala ni Police Colonel Harold Depositar, Officer-In-Charge ng Laguna Police Provincial Office, ang suspek na si alyas “Reynante”, residente ng Santa Maria, Laguna.
Naaresto ang suspek bandang 4:30 ng hapon sa Brgy. San Agustin, Alaminos, Laguna, ng mga tauhan ng Santa Maria Police Station sa bisa ng Warrant of Arrest sa kasong Statutory Rape (2 Counts) na walang inirekomendang piyansa.
“Ang pagkakahuli sa akusadong ito ay patunay na hindi tumitigil ang Laguna PNP sa pagtugis sa mga nagtatago sa batas at mas papaigtingin pa namin ang mga Police Operation para mabigyan ng hustisya ang kanilang mga biktima’’, pahayag ni PCol Depositar.
Source: Laguna Police Provincial Office
Panulat ni Police Staff Sergeant Donabel T Dulin
