Naaresto ng mga operatiba ng San Nicolas Municipal Station ang Top 3 Provincial Most Wanted Person sa Probinsiya ng Ilocos Norte sa kasong Grave Threat kaugnay ng RA 7610 sa Brgy. 15 San Jose, San Nicolas, Ilocos Norte nitong Miyerkules, ika-10 ng Enero 2023.
Kinilala ni Police Colonel Julius Suriben, Provincial Director ng Ilocos Norte Police Provincial Office, ang naarestong suspek na si Rodolfo Saldivar y Sambrano, 56, residente ng Brgy. 15 San Jose, San Nicolas, Ilocos Norte.
Naaresto ang suspek sa bisa ng Warrant of Arrest sa kasong 3 Counts ng Grave Threat kaugnay sa RA 7610 na may inirekomendang piyansa na Php80,000 para sa bawat kaso.
Patuloy na gagampanan ng mga kapulisan ang kanilang mandato at tungkulin na tugisin at hulihin ang mga may pananagutan sa batas upang mabigyan ng katarungan ang kanilang mga biktima.
Source: San Nicolas Municipal Police Station Ilocos Norte Police Provincial Office
Panulat ni PSSg Bader Ceasar Ayco
