Arestado ng pulisya ang tinaguriang Top 3 Provincial Most Wanted Person na may kasong Sexual Assault sa Barangay Kaulangohan, Caibiran, Biliran nito lamang Hunyo 16, 2024.
Kinilala ni Police Captain Vic R Viros, Acting Chief of Police ng Caibiran Municipal Police Station, ang akusado na si alyas “Ricardo”, 41 anyos at residente ng Barangay Kaulangohan, Caibiran, Biliran.
Naaresto ang suspek bandang 10:45 ng umaga ng mga tauhan ng Caibiran Municipal Police Station kasama ang Biliran Provincial Intelligence Unit at Biliran Provincial Mobile Force Company sa bisa ng Warrant of Arrest para sa kasong Sexual Assault na may inirekomendang piyansa na Php180,000 para sa pansamantalang kalayaan.
Patuloy ang Pambansang Pulisya sa paghuli at pagsugpo sa lahat ng mga nagkasala sa batas upang mapanatili ang tahimik at maayos na komunidad.
Panulat ni Patrolwoman Ma. Elena B Singian
