Pasuquin, Ilocos Norte – Arestado ang Top 3 Provincial Most Wanted Person sa ikinasang Manhunt Charlie Operation ng mga operatiba ng Ilocos Norte Police Provincial Office sa kasong Frustrated Murder nitong ika-3 ng Nobyembre 2022.
Kinilala ni Police Major Vencioly Lozano, Hepe ng Pasuquin Municipal Police Station, ang suspek na si Argie Magday y Claramo, 39, residente ng Brgy. 15, Pangil, Currimao, Ilocos Norte.
Ayon kay PMaj Lozano, naaresto ang suspek bandang 8:30 ng umaga sa Brgy. 16, Carusipan, Pasuquin, Ilocos Norte ng mga operatiba ng Pasuquin Municipal Police Station, Provincial Intelligence Unit, Bacarra Municipal Police Station, Maritime Police Satellite Office, 1st Ilocos Norte Provincial Mobile Force Company, Nueva Era Municipal Police Station, Batac City Police Station at Regional Intelligence Unit ng Police Regional Office 1.
Ayon pa kay PMaj Lozano, naaresto ang suspek sa bisa ng Alias Warrant of Arrest sa kasong Frustrated Murder na may inirekomendang piyansa na Php200,000.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Pasuquin Municipal Police Station
Panulat ni PSSg Bader Ceasar B. Ayco
