Arestado ang Top 3 Provincial Most Wanted Person sa kasong 5 Counts of Acts of Lasciviousness at Violation of Sexual Assault sa operasyon ng pulisya na isinagawa sa Barangay Poblacion District 2, Silago, Southern Leyte nito lamang ika-10 ng Hulyo 2024.
Kinilala ni Police Captain Juanisa C Mendoza, Acting Chief of Police ng Silago Municipal Police Station, ang nadakip na si alyas “Burat”, 34 anyos, isang public school teacher at residente ng Silago, Southern Leyte.
Naaresto ang suspek bandang 1:52 ng hapon ng mga tauhan ng Silago Municipal Police Station sa bisa ng Warrant of Arrest para sa kasong 5 Counts of Acts of Lasciviousness at Violation of Sexual Assault na may inirekomendang piyansang nagkakahalaga ng Php900,000 at Php 200,000 para sa kasong Sexual Assault.
Ang Pambansang Pulisya ay mas pinaigting pa ang kampanya laban sa iba’t ibang klase ng krimen at mapanagot ang mga nagkasala sa batas upang mapanatili ang maayos at ligtas na Bagong Pilipinas.
Panulat ni Patrolwoman Christine Reyna T Tolledo
