Bukidnon – Timbog ang Top 3 Provincial High Value Individual sa isinagawang Search Warrant Operation ng mga awtoridad nito lamang ika-13 ng Hunyo 2023 sa Brgy. 9, Malaybalay City, Bukidnon.
Kinilala ni Police Colonel Restituto Lacano Jr., Officer-In-Charge ng Bukidnon Police Provincial Office, ang suspek na si alyas “Joseph”, 33 at residente ng Brgy. Romagook, Kibawe, Bukidnon.
Ayon kay PCol Lacano Jr., naaresto ang Top 3 High Value Individual na suspek sa isinagawang Search Warrant Operation na may SW no. 29-23 sa pinagsanib na pwersa ng Kibawe Municipal Police Station, Provincial Intelligence Unit – Bukidnon, Regional Special Operation Unit at 1003rd Regional Mobile Force Battalion.
Nakuha sa operasyon ang 10 pakete ng hinihinalang shabu na may bigat na dalawang gramo na may Standard Drug Price na Php13,600, drug paraphernalia, at 15 na lighter.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Bukidnon PNP ay patuloy sa pagsasagawa ng mga operasyon laban sa mga gumagawa ng mga ilegal na aktibidad sa kanilang nasasakupan upang mapanatili ang kaayusan at kapayapaan ng buong probinsya.
Panulat ni Patrolman Joshua Fajardo/RPCADU10
