Bukidnon – Arestado ang Top 3 Provincial High Value Individual sa kasong paglabag sa RA 9165 at RA 10591 sa operasyon ng Malaybalay City PNP sa Purok 9, Brgy. Casisang, Malaybalay City, Bukidnon nito lamang ika-20 ng Abril 2023.
Kinilala ni Police Lieutenant Colonel Julius Clark Macariola, Officer-In-Charge ng Malaybalay City Police Station, ang suspek na si alyas “Wilbert”, 36, Electronic Technician at residente ng nasabing lugar.
Bandang 11:40 ng umaga nang ikasa ang Search Warrant na may SW no. 23-23 ng mga tauhan ng Malaybalay City PNP sa kasong paglabag sa RA 9165 na nagresulta sa pagkakaaresto kay alyas “Wilbert”.
Nasamsam sa operasyon ang 12 na pakete ng hinihinalang shabu na may bigat na 5.1 na gramo na may Standard Drug Price na Php34,680, isang Unit Black Revolver, walong bala, isang digital weighing scale, isang lighter at mga drug paraphernalia.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o Firearms and Ammunition Regulation Act.
Tinitiyak ng Malaybalay City PNP na walang lugar sa kanilang nasasakupan ang mga kriminal at patuloy sa pagpapatupad sa kanilang tungkulin para sa kaayusan at kapayapaan ng komunidad.
Panulat ni Patrolman Joshua Fajardo/RPCADU10
