Leyte – Arestado ang isang lalaki na Top 3 Municipal Most Wanted Person ng mga tauhan ng Javier Municipal Police Station sa Javier, Leyte nito lamang Lunes, Oktubre 24, 2022.
Kinilala ni Police Lieutenant Nicky Bermudo, Officer-In-Charge ng Javier MPS, ang naaresto na si Alexandro Barcoma Calda, enlisted member ng Philippine Army na may ranggong Sergeant at residente ng Purok 6, Brgy. Mercedes, Catbalogan City, Samar.
Ayon kay PLt Bermudo, bandang 8:00 ng umaga nang itinurn-over ni Major Rhuderick Y Pani-Agua, OIC, Maneuver Platoon, 8ID, IMCOM, Philippine Army ang akusado sa Javier MPS sa bisa ng Warrant of Arrest.
Nahaharap si Calda sa kasong Murder na walang kaukulang piyansa sa pagpatay sa isang Brgy Chairman noong Agosto 22, 2022.
Nagpapasalamat rin si PLt Bermudo sa kooperasyon ng AFP sa pagkakaaresto ng suspek.
Nananawagan naman ang Javier MPS na ipagbigay alam sa pinakamalapit na istasyon ang anumang impormasyon tungkol kay Rod Charlie Lozano alyas “Ching” na kasama ni Calda sa krimeng nangyari.
Ang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Panulat ni Patrolwoman Rialyn B Valdez
