Arestado ang isang Top 3 Most Wanted Person sa Municipal Level na may patong-patong na kaso sa isinagawang joint law enforcement operation ng Molave Municipal Police Station katuwang ang Zamboanga del Sur Provincial Intelligence Unit 9 at Aurora Municipal Police Station sa Purok Malipayon 1, Barangay Culo, Molave, Zamboanga del Sur nito lamang ika-10 ng Peberero 2025.
Kinilala ni Police Colonel Restituto A Pangusban, Provincial Director ng Zamboanga del Sur Police Provincial Office, ang naarestong suspek na si alyas “Salbo”, 60 anyos, lalaki at residente ng Purok Malipayon 1, Barangay Culo, Molave, Zamboanga del Sur.
Ang suspek ay nahaharap sa kasong Sexual Assault, Statutory Rape, paglabag sa Republic Act 7610 o “Special Protection of Children Against Abuse, Exploitation, and Discrimination Act” at RA 11930 o “Anti-Online Child Sexual Abuse and Exploitation of Children” na may inirekomendang piyansa na Php248,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Pat Joyce Franco
