Arestado ang isang Top 3 Most Wanted Person Municipal Level sa kasong Statutory Rape sa isinagawang joint law enforcement operation ng mga otoridad sa Sitio Busugan, Barangay Patalon, Zamboanga City nito lamang ika-06 ng Setyembre 2024.
Kinilala ni Police Captain Jova R Agustin, Officer-In-Charge ng Zamboanga City Police Station 1, ang naarestong suspek na si alyas “Ed”, 63 anyos, lalaki at residente ng Barangay Fama Olutanga, Zamboanga Sibugay.
Ang suspek ay mahaharap sa kasong Statutory Rape na walang inirekomendang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na sa isang Bagong Pilipinas.
Panulat ni Pat Joyce Franco
