Pangasinan – Arestado ng pulisya ang tinaguriang Top 3 Municipal Most Wanted Person ng San Fabian sa kasong Rape sa Brgy. Bolasi, San Fabian, Pangasinan nito lamang Martes, ika-06 ng Hunyo 2023.
Kinilala ni Police Lieutenant Colonel Michael Datuin, Officer-In-Charge ng San Fabian Municipal Police Station, ang akusado na si alyas “Dante”, 41, at residente ng San Fabian, Pangasinan.
Ang suspek ay naaresto ng pinagsanib na puwersa ng San Fabian Municipal Police Station, Provincial Intelligence Unit, Pangasinan Provincial Police Office, 104th Maneuver Company Regional Mobile Force Battalion 1, 2nd Provincial Mobile Force Company Tayug Base at Maritime Police Community Precinct San Fabian Base.
Agad naman na isinailalim ang suspek sa kaukulang disposisyon habang ang court of origin ng Warrant of Arrest ay inabisuhan na sa pagkakadakip ng akusado.
Ang buong hanay ng kapulisan sa lungsod at maging sa buong rehiyon ay hindi tumitigil sa pagtunton at pagtugis sa mga personalidad na may pagkakasala sa batas.
