Cabuyao City, Laguna – Arestado ang Top 3 Most Wanted Person sa kasong Homicide sa manhunt operation ng Cabuyao PNP nitong Martes, Abril 12, 2022.
Kinilala ni Police Colonel Cecilio Ison, Jr., Acting Provincial Director, Laguna Police Provincial Office, ang suspek na si Marlon Faulmino, 31, walang trabaho, residente ng Barangay Mamatid, Cabuyao City, Laguna.
Ayon kay Police Colonel Ison, Jr., bandang 11:12 ng umaga naaresto ang suspek sa nasabing barangay ng Cabuyao City Municipal Station.
Ayon pa kay Police Colonel Ison, Jr., naaresto ang suspek sa bisa ng Warrant of Arrest para sa kasong Homicide at may rekomendadong piyansa na Php120,000.
Ang tagumpay ng Pambansang Pulisya ay nagpapakita lamang na ginagawa ang lahat ng makakaya upang mahuli ang mga taong may pananagutan sa batas.
###
Panulat ni Police Executive Master Sergeant Joe Peter Cabugon
