Aguilar, Pangasinan – Naaresto ang Top 3 Most Wanted Person ng Aguilar, Pangasinan sa isinigawang operasyon ng kapulisan nito lamang Biyernes, ika-18 ng Marso taong kasalakuyan.
Kinilala ni Police Major Reinweck Alamay, Officer in Charge, Aguilar Police Station, ang suspek na si Rowell Ronquillo Paulino, 39, may asawa, residente ng Barangay Bocacliw, Aguilar, Pangasinan.
Ayon kay Police Major Alamay, nahuli si Paulino bandang 4:30 ng hapon sa Barangay Buer, Aguilar, Pangasinan ng mga operatiba ng nasabing istasyon.
Ayon pa kay Police Major Alamay, naaresto ang suspek sa bisa ng Warrant of Arrest sa limang kaso ng Rape na may Criminal Case #L-13749, L13751, L-13572, L13573 na inisyu ni Hon. Avelina Jimenez Villigas, Assisting Judge, Regional Trial Court Branch 68 na may petsang Marso 7, 2022 na may piyansang aabot sa Php180,000.
Ang tagumpay ng operasyon ay bunga ng magandang ugnayan at samahan ng mga kapulisan at mga mamamayan para mapanatiling ligtas ang komunidad sa anumang krimen.
###
Panulat ni PSSg Marvin Jake Romero
