Misamis Occidental – Arestado ang Top 3 Most Wanted Person (City Level) sa kasong Attempted Rape ng Oroquieta PNP nito lamang Martes, Agosto 23, 2022.
Kinilala ni Police Colonel Anthony Placido, Acting Provincial Director ng Misamis Occidental Police Provincial Office, ang suspek na si Jade Casia Machutes, 32, laborer at residente ng Purok 1B, Dolipos Bajo, Oroquieta City, Misamis Occidental.
Ayon kay PCol Placido, nadakip ang suspek bandang 11:00 ng umaga sa Purok 7, Brgy. Talic, Oroquieta City, Misamis Occidental ng mga operatiba ng Oroquieta City Police Station sa bisa ng Warrant of Arrest sa kasong Attempted Rape na may rekomendadong piyansa na Php120,000.
Nagpahayag ng kanyang papuri sa mga tauhan ng Oroquieta PNP si PCol Placido para sa mahusay na pagganap sa sinumpaang tungkulin para mas maging ligtas ang nasasakupan laban sa anumang kriminalidad.
###
Panulat ni Patrolman Joshua Fajardo/ RPCADU 10
