Leyte – Arestado sa ikinasang operasyon ng mga tauhan ng Baybay City Police Station ang Top 3 City Most Wanted Person sa Brgy. Maypatag, Baybay City, Leyte nitong Martes, Abril 25, 2023.
Kinilala ni Police Lieutenant Colonel Joemen Collado, Chief of Police ng Baybay CPS, ang naaresto na si alyas “Ron”, 34, residente ng Baybay City, Leyte.
Ayon kay PLtCol Collado, naaresto ang suspek bandang 4:30 ng hapon ng mga operatiba ng Baybay CPS sa pangunguna ni Police Staff Sergeant Emanuel Cayanes Jr kasama ang PNP Anti-Kidnaping Group na nagresulta sa pagkakakumpiska ng isang unit ng hand grenade at isang baril na may magazine at limang ammunition.
Ang suspek ay naaresto sa bisa ng Warrant of Arrest sa kasong paglabag sa RA 10591 o Comprehensive Law on Firearms and Ammunitions at RA 9516 o Unlawful Possession of Explosives.
Patuloy na hinihikayat ng PNP ang publiko na makipagtulungan upang matamasa ang kaayusan at katahimikan sa kanya-kanyang lugar.
