Arestado ng mga miyembro ng Tugbok Police Station ang Top 3 Most Wanted Person sa City Level nito lamang Agosto 7, 2024 sa SPMC, Bajada, Davao City.
Kinilala ni Police Major Vincent Ignacio B Follante, Acting Station Commander ng Tugbok Police Station, ang suspek na si alyas “Sammy”, 24 anyos at residente ng Purok 4 PCA, Barangay Bago Oshiro, Tugbok District, Davao City.
Ang suspek ay naaresto sa isinagawang joint operation ng nasabing istasyon at CIDG-DCFU at nahaharap sa kasong tatlong bilang ng Qualified Rape na walang piyansang inirekomenda.
Samantala, ang Police Regional Office 11 sa pamumuno ni Regional Director Police Brigadier General Nicolas D Torre III ay patuloy na pinapaigting ang laban kontra kriminalidad alinsunod sa programa ng Bagong Pilipinas na panatilihin ang kapayapaan at kaayusan ng bansa.
Panulat ni Patrolwoman Shairra Rose A Aquino
