Surallah, South Cotabato – Arestado ang Top 25 Most Wanted Person (Municipal Level) sa isinagawang checkpoint ng puwersa ng PNP sa bahagi ng Brgy. Libertad, Surallah, South Cotabato nito lamang Mayo 28, 2022.
Kinilala ni PLtCol Jomero Casildo Sentinta, Officer-in-Charge ng Surallah Municipal Police Station ang suspek na si Lowi Dolliguez Alfonso, 30, isang magsasaka, residente ng Sitio Tibia-o, Brgy. Buenavista, Surallah, South Cotabato.
Isinagawa ang nasabing operasyon bandang 8:45 ng umaga ng pinagsanib puwersa ng Surallah MPS, South Cotabato Provincial Intelligence Unit sa pangunguna ni PLtCol Rey Egos, katuwang ang kapulisan mula sa CIDG Region 12 at Regional Intelligence Division 12 at tracker Team Charlie na nagsagawa ng Intel driven operation sa checkpoint na nagresulta sa matagumpay na pagkaaresto sa suspek.
Naaresto si Alfonso sa bisa ng Warrant of Arrest dahil sa kasong Attempted Murder.
###
Panulat ni Patrolman Gio Batungbacal
