Davao City – Arestado ang isang babae sa patuloy na isinasagawang Manhunt Charlie operation ng Sasa PNP sa Purok 26, Times Beach Ecoland, Matina, Davao City, noong Enero 27, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Jacinta”, 52, residente ng Purok 9, Seaside, Southbay, Agdao, Lapu-Lapu, Davao City na tinaguriang Top 2 Most Wanted Person sa station level.
Ayon kay PMaj Goles, inaresto ang suspek sa bisa ng Warrant of Arrest sa kasong Attempted murder na may piyansang inirekomenda na Php120,000 na inihain ng pinagsamang tauhan ng Sasa PS at Davao City Maritime Police Station.
Ang matagumpay na pagkakadakip sa suspek ay resulta ng magandang ugnayan ng mamamayan at kapulisan na magdadala sa kaayusan at kaunlaran ng bansa.
Panulat ni Patrolman Alfred Vergara
