Arestado ang Top 2 Regional Most Wanted Person sa ikinasang operasyon ng mga awtoridad sa Purok 1, Brgy. Magmalare, San Miguel, Bulacan nito lamang ika-18 ng Enero 2024.
Kinilala ni Police Colonel Jefferson Cariaga, Provincial Director ng Apayao Police Provincial Office, ang suspek na si alyas “Eve”, 42, security guard at residente ng Brgy. Turod, Luna, Apayao.
Ang operasyon ay isinagawa sa bisa ng Warant of Arrest sa kasong paglabag sa Art. 248 ng Revised Penal Code o kasong Murder na walang nirekomendang piyansa.
Nangyari ang matagumpay na operasyon dahil sa pinagsamang pwersa ng Luna Municipal Police Station kasama ang mga tauhan ng Police Intelligence Unit, PIDMU, Apayao 1st Provincial Mobile Force Company, RID Police Regional Office-Cordillera Administrative Region, Regional Intelligence Unit 14, Regional Mobile Force Battalion 15 katuwang ang mga tauhan ng San Miguel Municipal Police Station, at mga tauhan ng Bulacan 2nd Provincial Mobile Force Company.
Patuloy naman ang PNP sa pagpapatupad ng batas at pagsugpo sa mga kasamaan upang mabigyan ng seguridad ang komunidad at mapayapang pamumuhay ang sambayanan.
Panulat ni Patrolwoman Sumcad
