Mandaue City, Cebu – Timbog ang tinaguriang Top 2 Regional Most Wanted Person sa kasong pagpatay sa joint operation ng Cebu City Police Office (CCPO), Bohol Provincial Police Office (BPPO), Regional Maritime Police 7, at Regional Intelligence Unit 7 noong Sabado, Disyembre 3, 2022.
Ayon kay Police Colonel Ireneo Dalogdog, City Director ng Cebu City Police Office (CCPO), ang suspek na kinilalang si alyas “Reynaldo”, 42, ay naaresto bandang 6:30 ng gabi ng Sabado sa Brgy. Cubaco, Mandaue City, Cebu sa bisa ng Warrant of Arrest sa kasong Murder.
Ang matagumpay sa pagkakaaresto kay “Reynaldo” ay kaugnay sa patuloy na pagpapatupad ng One-Time Big-Time ng PNP sa Rehiyon 7.
Kaugnay sa matagumpay na pagkakaaresto ng mga naitala na Top/Most Wanted Person ng naturang rehiyon, hangad ng PNP na mabigyan ng hustisya ang mga naging biktima ng iba’t ibang krimen at mapanagot ang mga taong kumpirmadong nagkasala at pagkakasala sa batas.
