Lipa, Batangas – Arestado ang Top 2 Regional Most Wanted Person ng Rehiyong Bikol para sa mga kasong 3 Counts of Sexual Assault, 3 Counts of Acts of Lasciviousness at 3 Counts of Qualified Rape ng mga operatiba ng PNP PRO5 at Lipa City PNP sa Batangas nito lamang Huwebes, Agosto 4, 2022.
Kinilala ni Police Colonel Rolly Albaña, Provincial Director ng Masbate Police Provincial Office ang nahuling suspek na si Ricky Espartina y Canezal, 36, residente ng Purok Centro, Barangay Igang, Masbate City, Masbate.
Ayon kay PCol Albaña, bandang 9:00 ng umaga nasakote ang akusado sa Barangay Mataas na Lupa, Lipa City, Batangas ng pinagsanib pwersa ng mga operatiba ng Provincial Intelligence Unit-Masbate, Criminal Investigation and Detection Group- Masbate, Regional Field Unit 5-CIDG, Regional Intelligence Unit 5 at Lipa City Police Station.
Naaresto ang akusado sa bisa ng Warrant of Arrest para sa patung-patong na kasong 3 Counts of Sexual Assault na may inirekomendang piyansa na Php200,000; 3 Counts of Acts of Lasciviousness na may inirekomendang piyansa na Php200,000; at 3 Counts of Qualified Rape na walang rekomendadong piyansa.
Ito ang naging pahayag ni Police Brigadier General Mario A. Reyes, Regional Director ng PRO5 patungkol sa pagkakaaresto sa akusado, “Tuloy-tuloy lang ang ating operasyon kasama ang iba pa nating partner agencies hanggang maubos ang lahat ng wanted sa ating listahan”.
Source: KASUROG BICOL
###
Panulat ni Patrolman Rodel Grecia
