Albay – Arestado ang Top 2 Regional Most Wanted Person ng Bikol sa ikinasang manhunt operation ng mga operatiba ng Albay PNP sa Purok 3, Barangay Salvacion, Daraga, Albay nito lamang Marso 10, 2023.
Kinilala ni PLtCol Carl Joseph Jaucian, Hepe ng Daraga Municipal Police Station, ang akusado na si alyas Jomarie, residente ng Delos Reyes St., Barangay San Lorenzo, Gapan City, Nueva Ecija at nakatala din bilang Top 1 Municipal Most Wanted Person ng bayan ng Daraga, Albay.
Ayon Kay PLtCol Jaucian, bandang 12:52 ng tanghali ng isinagawa ang operasyon ng pinagsanib na mga operatiba Daraga MPS, RIU PIT-Albay, CIDG Albay Provincial Field Unit, RMFB5, PIU Albay, BIAPS at MARPSA5.
Naaresto ang akusado sa bisa ng Warrant of Arrest para sa kasong 5 Counts of Qualified Statutory Rape na walang inirekomendang piyansa.
Ang PNP Bicol ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad sa pakikipagtulungan ng mamamayan.
Source: Daraga Mps Albay Ppo
