Camarines Sur – Arestado ang isang lalaki na nakatalang Top 2 Regional Most Wanted Person ng Bicol na may kasong 298 Counts of Rape sa isinagawang Manhunt Operation ng pinagsamang mga operatiba ng PNP Bicol sa Barangay Caraycayon, Tigaon, Camarines Sur nito lamang Mayo 2, 2023.
Kinilala ni Police Colonel Julius Caesar Domingo, Provincial Director ng Camarines Sur Police Provincial Office, ang akusado na si Jaime DL. Cornel, 63, may kinakasama at residente ng Zone 6, Barangay Cabalidan, Tigaon, Camarines Sur.
Ayon kay PCol Domingo, bandang 2:34 ng hapon ng naaresto ang akusado sa nabanggit na lugar ng pinagsanib na mga operatiba ng Tigaon MPS, Camarines Sur Provincial Intelligence Unit, Naga City Intelligence Unit at PS4 Naga CPO.
Ayon pa kay PCol Domingo, naaresto ang akusado sa bisa ng Warrant of Arrest para sa kasong 298 Counts of Rape na walang inirekomendang piyansa.
Ang PNP Bicol ay patuloy sa pagiging masigasig sa pag-aresto sa mga taong may pananagutan sa batas upang mabigyan ng karampatang hustisya ang mga taong nabiktima nito at pinapaalalahanan ang publiko na makiisa sa mga programa ng kapulisan para sa isang tahimik at ligtas na komunidad.
Source: PNP Kasurog Bicol
