Arestado ang Top 2 Regional Most Wanted Person sa isinagawang operasyon ng mga awtoridad sa Purok 4, Barangay Magdug, Governor Generoso, Davao Oriental nito lamang Hulyo 10, 2024.
Kinilala ni Police Major Marvie P Singayan, Chief of Police ng Governor Generoso Municipal Police Station, ang suspek na si alyas “Jerardo”, 56 anyos, magsasaka at residente ng nasabing lugar.
Naaresto ang suspek sa bisa ng Warrant of Arrest sa kasong Attempted Murder na inihain ng pinagsanib na puwersa ng Governor Generoso Municipal Police Station at Davao Oriental Regional Intelligence Unit 11.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
