Arestado ang Top 2 Regional High Value Individual sa buy-bust operation ng Mabini Municipal Police Station sa Purok 6 Upper, Barangay Cadunan, Mabini, Davao de Oro nito lamang Mayo 28, 2024.
Kinilala ni Police Major Janus Lumbaya B Macli-ing, Chief of Police ng Mabini MPS, ang suspek na si alyas “Jamal”, 38 anyos at residente ng Kialdan, Marantao, Lanao Del Sur.
Ang suspek ay naaresto sa pinagsanib na puwersa ng nasabing istasyon at Philippine Drud Enforcement Agency kung saan ay narekober mula sa suspek ang hinihinalang shabu na may bigat na humigit kumulang 20 gramo at may Standard Drug Price na Php136,000, isang glock 17 Gen 4 9mm, isang magazine na may walong bala, isang cellphone, pouch at buy-bust money.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala ang laban kontra ilegal na droga ay patuloy na pinapaigting ng Police Regional Office XI sa pamumuno ni Regional Director Police Brigadier General Aligre L Martinez alinsunod sa kampanya ng Bagong Pilipinas na mapanatili ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
