La Union – Arestado ng Pugo PNP ang isang magsasaka na nakatala bilang Top 2 Provincial Most Wanted Person sa Brgy. Maoasoas Norte, Pugo, La Union nito lamang Lunes, ika-16 ng Oktubre 2023.
Kinilala ni Police Captain Bernabe Gallardo, Hepe ng Pugo Municipal Police Station, ang suspek na si Joe Orlandon, 61, magsasaka at residente ng nabanggit na lugar.
Ayon kay PCpt Gallardo, naaresto ang suspek sa bisa ng Warrant of Arrest na inihain ng Pugo Municipal Police Station sa kasong Lascivious Conduct under Section 3 (B) of RA No. 7610, Statutory Rape under article 266-A (1) at Statutory Rape through sexual assault na walang nirekomendang piyansa.
Samantala, patuloy naman ang Pugo PNP na panatilihing ligtas ang mamamayan sa kanilang nasasakupan.
Source: Pugo Mps
Panulat ni PSSg Marvin Jake Romero
