Davao City – Arestado ang Top 2 Provincial Most Wanted Person sa patuloy na isinasagawang Manhunt Charlie operation ng mga tauhan ng Los Amigos PNP sa Purok 4 Fatima, Brgy. Biao Guianga, Tugbok District, Davao City nito lamang Oktubre 6, 2023.
Kinilala ni Police Major Alberto Abella, Acting Chief of Police ng Los Amigos Police Station, ang suspek na si alyas “Beyo”, residente ng nasabing lugar.
Inaresto ang suspek sa bisa ng Warrant of Arrest sa kasong Multiple Murder na walang piyansang inirekomenda.
Pinuri naman ni Police Brigadier General Alden Delvo, Regional Director ng Police Regional Office 11, ang nasabing operasyon na ikatatahimik ng Region Onse.
Panulat ni Patrolman Alfred Vergara
