Leyte – Arestado ng mga awtoridad ang Top 2 Provincial Most Wanted Person sa kasong Qualified Statutory Rape sa Brgy. San Isidro, Abuyog, Leyte, nito lamang Nobyembre 8, 2023.
Naaresto ang akusado na si Elmer ng pinagsamang mga tauhan ng Abuyog Municipal Police Station sa pangunguna ni Police Major Luis Hatton, Acting Chief of Police, kasama ang Regional Intelligence Unit 8 sa bisa ng Warrant of Arrest para sa kasong Qualified Statutory Rape na walang inirekomendang piyansa para sa kanyang pansamantalang kalayaan.
Ang akusado ay dinala sa Abuyog MPS para sa kaukulang dokumentasyon at tamang disposisyon bago iturn-over sa court of origin nito.
Tiniyak naman ng Abuyog PNP na ang kanilang hanay ay hindi tumitigil sa pagtunton at pagtugis sa mga personalidad na may pagkakasala sa batas.
