Arestado ang Top 2 Provincial Most Wanted Person sa isinagawang Manhunt Charlie Operation sa Purok 2, Barangay Catagman, Samal District, Igacos, Davao del Norte nito lamang Hulyo 3, 2024.
Kinilala ni Police Major Sheryl Y Bautista, Acting Chief of Police ng Igacos Police Station, ang suspek na si alyas “Richard”, 36 anyos, construction worker at residente Purok 2, Gumamela, Barangay Tagpopongan, Babak District, Igacos.
Dagdag pa, ang suspek ay naaresto sa pinagsanib na puwersa ng mga tauhan ng nasabing estasyon, PIT DDN, RIU 11, PIDMU Davao Norte Police Provincial Office at 2nd Davao del Norte Provincial Mobile Force Company at mahaharap sa kasong Lascivious Conduct.
Samantala, ang Police Regional Office 11 ay patuloy na nagsusumikap upang hulihin ang lahat ng wanted persons at panatilihin ang kaayusan sa Rehiyon Onse.
Panulat ni Patrolwoman Shairra Rose A Aquino
